يالي انت ناشئ (ادخل هنا)

بصو بقا انا جيبلكم موضوع انما ايه
اخر
حلاوه
متنوع من كل شئ بس مش هقول انا
انا هسيبكم تقرائوه معايه
الي انا قعدت احضرفيه شهر هو موضوع مش كبير بس الفكره خدت منى
وقت وانا ساجد
هتكلم في الموضوع ده بكذا طريقه عشان الموضوع يلبس ف النفوخ علي طول يعنى بطريقه عاميه او فصحى او شعبيه او شبابيه
نتكلم بقا ونقول الي في نفسنا
وطبعا مستنى منكم ردودعلي الموضوع
يلا بقاااااااء انا هبتدى ادخل في الموضوع

اول شئ هقول
يالي انت ناشئ وعاشق زينه الدنيا
يا سلام واخدين بالكم من الجمله من تعبيرها ومعنيها الكتيره في كلامها القليل
يالي انت ناشئ وعاشق زينه الدنيا
يالي انت ناشئ انتى وانا شباب يعنى لسه ف اول طريقنا في الحياه في المستقبل المبهر الجميل الي احنا مستنينه مع انه قرب يخلص بس اهو بنعافر وعاشق زينه الدنيا عاشق الدنيا و الحياه بكل شئ بفلوسها بهواها بناسها بستاتها بكل شئ جميل فيها عاشقها
بس جيت في يوم سئلت نفسك زى مانا عملت كده عايش ليه
اوك اوك بلاش نقول عايش ليه عشان متقولشي موضوع ساجد طلع زباله خليها انت عملت ايه و انت عايش فكر قبل ما تكمل .............

هتلاقي روحك معملتش اى شئ غير ان انت اتولدت لاقيت نفسك بتذاكر بتمتحن بيتصرف عيلك ودورت علي حب لما كبرت جرحك و خانك و عشت علي ذكراه ومن يوم ما انولدت مش بتسمع غير الي حواليك بيلعنو ف الزمن و الدنيا و البخت و الحظ والحكومه و الريس هههههههههههههه
متخفوش مش هنتحبس دى بلد ديمقراطى ودى البلد الوحيده الي فيها الديمقراطيه علي حق ربنا بتاعت بلدها اصلي اصلي
يعنى لو جعان و معكشي فلوس و الاسعار مولعه و مش لاقي تصرف علي ولادك او تظبط امورك انزل الشارع اعمل مظاهره و طالب بحقوقك تانى يوم تلاقي الاسعار بقت زى الفل و الريس قبلك و اعتذر ليك و اخر رخص و احلى عيشه
امال ايه ده انت مصري و المصري دولقتى ليه قيمه جمده اوى باماره العمله بتاعت البلد عملت بلدك بقت احلى عمله يعنى الخمسه جنيه ونص بقو بدولار واحد اهم شئ النص الي مع الخمسه ده الي ظبط الاداء افرح يا حسين بلدك اقتصادها حلو اوى
فيها 80مليون نسمه كلهم بدون استثنائات اغنى من بعضهم من البترول والزراعه و الصناعه كل دى فلوسها بتعم علي الشعب طبعا
دى الديمقراطيه شفت بقا طب انا همسك شويه ف السياسه بقا لانى ديمقراطى اوى و ابن بلدى و بحبها
هسيب اى شئ في البلد و همسك مورد واحد بس
المزرات السياحيه
دى فلوسها بتروح فين
عندك اقل مزار فيهم الهرم او الاهرامات و ابو الهول حط بعدهم بقا المتحف و القلعه و الاقصر و اسوان و المعابد و كده بقا دي بس اثار الفراعنه لو روحنا بقا لمزرات تانيه
زى الشرم و لا الغردقه ولاسيناء ولا العريش ولا سانت كاترين ولا ولا ولا لا
كل دوووووووووووووووول فين فلوسهم
ادى يا عم مورد واحد بيدخل ليك عمله صعبه وحلوه اوى اوى اوى عندها استعداد تصرف علي ميزانيه شعب بحاله
انا تعبت
لما شاب من سنى 23 سنه بيتكلم في امور زى دى ومستوعب الامور طيب يبقي الاكبر منى بقا بيفكر ف ايه ولا الاصغر منى بيتكلم ف ايه
عموما انا طولت ف الفضايح السياسيه
تعالو بقا نمسك ف حوار تانى ولا في فكره تانيه غير السياسه لشيفكم بتبصو حواليكم خايفين من الي بالي بالكم لانى سمعت ان في معتقل وادى النطرون اماكن فاضيه وعاوزين يملوها و المصيبه انها مش بتفضي من المساجين و المعتقلين الي خدو افراج ولا اترحلو لمعتقل تانى
دى فضيت من الي ماتو مش ماتو موته ربنا طبعا
بص انا هقولك ماتو ازاى لما الحكومه يبقي عندها مثلا 10 معتقلين بقول مثلا هما طبعا بالميات و نيجى نحط بينهم معتقل او مسجون عنده مرض جلدى معدى و قاتل و نسيبه بنهم كده مش بامانه ديمقراطيه و سياسه و دهاء حلو
احلى طريقه للاعدام
مش قولت بلاش سياسه كفايه بقا
تعالو نمسك ف فكره تانيه
ونفرفش ونهيص ونطرى المكان
(
)
(
)

عمرك
)
(
)
(
شفت
)
(
)
(
)
رقاصه
(
)
(
)
(
طبعاانا قولت علي حاجه هبله اوى
ههههههههه
لا بجد كلنا شفنا رقصات في الدش و الافراح و الكازينوهات
وكتير شفنا
بس عمرك شفت رقاصه ماشيه ف الشارع
عادى كده في عز الضهر رايحه فين يا سنيه رايحه الشغل جيه منين يا فتحيه
جيه من الشغل و تلاقي سنيه و فتحيه شغالين 75ساعه ف ال24ساعه طحن الله يعنيهم بس ملحوظه نفس بدله الرقص اقصد نفس بدله الشغل مش بتتغير شغل بقا و يونيفورم و كل يوم عربيه من الشغل بتاخدها من اى حته اقصد من ع الرصيف لما بتركن و بتبقي مش شيفاها 5 دقايق لحد ما تاخد بالها و تركب سورى مخدتش بالي اصل الناس بتعاكس كتير يلا و الناس تفتكر انها مهندسه ولا دكتوره ولا اى حاجه محترمه بس هى ف الحقيقه احم احم
يلا ما علينا
انا مش بحكم كده علي كل الستات ولا البنات ولا الانسات
بس في منهم و في
بس نتذكر مثل بلدى و شعبي بيقول
كل الي يعجبك و البس الي يعجب الناس
المفروض زى ما الحكومه عامله قانون للتحرى للرجاله بليل
يعملو قانون اين تذهبين بهذه الملابس للستات
طيب نقفل كلام بقا عن الحريم لشيفكم ركزتو اوى ف الحوار ده وبعد كده بقا تيجى سنيه و فتحيه يفضحونا و
عشان محدش يقول ده حقد علي الجنس الناعم ولا حاجه
تعالو بقا نهرب من الجو ده ونروح جو تانى لما انت دلوقتى بتقرء موضوعى و كلامى ولما هتخلصه و يا عالم هترد عليه ولا لا
ـ
ـ
ـ
ـ
ـ
فكرت هتعمل ايه بعد كده
ـ
ـ
ـ
فكرت ايه هى خطوتك الجيه بعد 5 دقايق بلاش فكرت هتعمل ايه
انت بكره مرتب نفسك يعنى اقصد بكره وراك ايه هتصحى امتى هتخرج امتى هتلبس ايه و انت خارج هتيجى امتى هتتغدى امتى هتقعد علي النت كام ستعه و هتنام امتى هتدخل يا ترى منتديات سفير الرومانسيه ولا لاء امتى كده يعنى ترويس و ترتيب منك لنفسك منظم يعنى
مش اظن انت او انا او في ناس كده فعلا
بس
معظم الناس اتولدو و اتربو علي عدم النظام سورى اقصد الهمجيه لو فكرت شويه و بصيت لروحك هتلاقي روحك همجى مع مرتبه الشرف
واولها همجى مع اهلك قبل اى حد ماهو من هنا بنبتدى
اول ما الواحد يشم نفسه يشد علي القريب منه بقا اهله و يدرب عليهم يعترض يصرخ يعتدى يثور همجى بقا مين قده يا عم و لما ينجح يبتدى مع مع الي بره البيت
اصحابه زميله ف الشغل في الشارع مع البقال كده يعنى همجى همجى يعنى و علي فكره هتلاقي ده طبيعى جدا و الناس متقبلاه لان انت هتلاقي برضو ان نفس الي قدامك بيكلمك بنفس الطريقه بهمجيه مع مرتبه الشرف نسيبنا بقا من المراتب و الشرف و الحجات دى لقربت اجيب مخده و لحاف و اتغطى
والله الحياه دى صعبه و عارف انها كلها مشاكل و قرف و حجات مكلكعه اوى بس حلو عليكم كده ولا زهقتم منى ومن كلامى طيب اقولكم علي حاجه حلوه عشان ننهى و نخلص
ـ
ـ
خلونى
ـ
ـ
ـ
ابقي
ـ
ـ
ـ
رزل شويه عليكم و نتكلم عن الرومانسيه حبه حب بقا و عواطف و بتاع
جينا لاحلي فقره الحته بتاعت الكتف الشمال الي تحت الباط بشويه دى الي بدق
يا حلاوه علي الحب يا عسل علي الغرام يا قشطه علي الجمال
و كاظم الساهر بقا و تامر حسنى و سهر الليالي و المسجات والاغانى الرومانسيه و الحياه الي كلها بلسم
و

فجائه

لما انت او انتى تملو الروتين ده تبتدة تقلبو وتزهقو بقا و عاوزين تغير و نيو لوك ف القلب وفي الحبيب ده بقا قديم كيك كيك كيك
عاوزين منشط اكسير نقوم نعمل ايه بقا نضحى عشان نبقي مبسوطين و فرحانين نغير مش نضحى عشان نبسط و نبقي سبب ف سعاده الاخرون
طيب بالله عليك فكرت ازاى تبسط حبيبك في يوم من الايام
فكرت تعمل ليه حاجه تخليه مبسوط او كل ما يتذكرها يكون مبسوط
فكرت ازاى قبل ما تسيبه في الشارع او الجامعه او الشغل او البيت او اى مكان ازاى تبسطه
انا اعرف ناس قبل ما تقفل اى حاجه او تعمل اى شئ من دول و يسيب حبيبه
كيف عنده يمشي حبيبه وهو متعكنن او مهوم او قرفان او اى شئ خنقه و خلاص
انا اعرف ناس و قريبه منى بتحب قبل ما تقفل مع حبيبه او حبه علي النت يعكنن علي حبيبه يمسيه مكسوره نفسه مكبوس محبك كده يعنىو قليل جدا لما كان بيمشي مبسوط مع انه كان بيحاول يعمل اى شئ عشان يسعده و يكون سبب ف سعادته انشاله يتسجن بس هو لا اظن انه كان يابه لامر الشخص ده المهم ما علينا
ليه لما بنزهق من الي بنحبه بنغيره مش بنحاول نعدله اوع تقول
تؤتؤتؤتؤتؤتؤتؤتؤتؤتؤ
اوع تقول حولت و تعبت عشان اغيره لاحسن بس مفيش فايده
الي بيحب شخص زى مابيحبه عشان ميزاته
يبقي لازم يحبه برضو بعيوبه دى وجهت نظرى و الي مش عجبه يكمل معانا برضو
هههههههههههههههههههههه

حقيقي عجيبه يا دنيا
ايه غلطت في الدنيا انا كده
طيب بلاش عجيبه يا دنيا عشان ملهاش ذنب
نقول ايه طيب علي راى مش عارف مين
نعيب في الدنيا ولا الزمن و العيب فينا
احنا غلط كل شئ غلط عايشين غلط في كل شئ ده حتى عندنا مفتى حلو اوى مقتى انما ايه فضحيه يطلع ف التليفزيون يبقي هينعس و هينام
لو في حاجه ومش علي مزاج ال احم احم يجي يقول ده غلط يا جماعه في ردودكم
هتقولو اكيد احنا بعيد عن الدين و عن ربناسبحانه و تعالي لازم نصلي و نقرب من الله
طبعا كل ده معروف و الحمدلله
في ناس بتصلي و ملتزمه بس بيحصل ليها كل ده
مااااااااشي اوك نقول اختبار من ربنا لينا
علي قوه صبرنا و تحملنا و نعمه بالله
و ماصبرك الابالله
و ان الله مع الصابررون
ونصبر صبر ايوب كمان
بس
انت
عندك
طاقه لكده نفسك تستحمل الصبر في زمن زى ده او في حياه فيها ناس بالشكل ده
نهايه كلامى عشان شكلكم رسترتو الجهاز و زهقتهم منى و انا كمان زهقت

بس مش منكم طبعا
انا تعبت تعبت تعبت
واحد سنه صغير و الحمد لله علي خلق و الحمدلله علي طيف من الوسامه و حواليه ناس كتير بيحبوه و بيحبهم و عاوزين راحته قبل رحتهم
بس المشكله ان انا مش عارف رحتى فين

راحتى في بلدى الي قربت اهج منها بسبب الي فيها
راحتى ف الشغلي الي مش مستقر
راحتى راحتى راحتى راحتى

ما عيلنا عموما انا
فتحت قلبي وقولت الي في نفسي ليكم و علي فكره موضوعى ده قعدت افكر فيه و اكون فقراته و فكراته حوالي شهر و لماكتبته كتبته في 3 ساعات
يعنى لا مسروق ولا مقتبس ولا منقول ولا اى حوار
عوزكم ترضو علي الموضوع الجملى ده بس سيبو الكبده عليه لانى بحبها
و يلا ردو عليه و ورونى
اشوفكم بكل خير و ابقو استنو منى باقي القرف اقصد الكلام و المواضيع

تسلمو علي قرائتكم للموضوع

» ادخل وشوف الارنب شو راح يعمل فيك....؟؟
» السعادة الحقيقية ادخل ومش حتندم
» أهداء الى كم عضو ادخل يمكن انت منهم ؟!
» عذرا ايها الاطفال ...!!! ادخل وشوووووووووووووووووووووووووووووووووووف
» هل تتوقع ان للسفن اب فوائد ؟؟؟ ادخل وشوف