ما تخاف ربك ؟!!

موضوع: ما تخاف ربك ؟!! الثلاثاء مارس 24, 2009 6:47 am


	فديت عمرك 00 ياالغالي لا تزعلني 000 والله ما أقصد 00 ضحكت وصوتنا واطي 000 يا لب قلبك 00 علامك ثرت يا كافي 000 وش اللي سبب غضبكم يا هوى بالي ؟؟ إهدى حبيبي 00 ترهبني نظرة عيونك 000 ما اخطيت 00 أقسم حياتي لا ترعبني 000 قضيت معك العمر في حلوه ومره 000 وما زلت أخاف العتب 00 وصوتك العالي 000 علمني شلي حصل ؟ وش صار فهمني ؟؟ لا تهون عندك دموعي 00 وكسرة الخاطر 000 ما اسمعك 00 شنهو تقول ؟ لا تحيرني 000 بقربك أنا 00 واطلبك بالله تطمني 000 وش صار تسأل ؟! أنا اللي أسألك ياخلي !!! أشغلت فكري 00 ولا أدري وش جرى بحالي 000 تسألني ليه الدموع والصدر ضايق ؟؟!! والخوف شنهو سببه , ورجفة ايديني ؟؟!! تلعب معي بالحكي 00 وأنت اللي تعرفني ؟؟؟ درب السنع ما تعرف غيره دروبي 000 علام وجهك تزايد فيه بسماتك 000 عن جد !! تضحك معي ؟ تبي تمتحني ؟؟ ما تخاف ربك 00 نشفت الدم بعروقي 000 والريق ما أقدر أنا أبلع 00 بالدمع غصيت 000 ملزوم تبدي السبب 00 وليه تنهرني ؟؟؟ وانت تعرف بصاحبك قلبه ارهيف 000 حرام منك القساوه 00 حيلي هديته 00 يا حر كبدي 00 طعنت ليه فؤادي 000 خلاص عقب اللي صار 00 عافك الخاطر 000 لا تحاول إنك تقرب صوبنا ثاني 000 بهدي النفس 00 واعيش لها لحالي 000 ومن ثم أبفكر 00 شيصير برجعتك ليه 0 بقلمي أختكم: يالطيف الحشى0

مشكووووووووررر جدا