وضعي انا وياه

هذه بقلمي المتواضع واول مشاركه في المنتدى
واطلب التعليق على القصيده بدون مجاملات ولكم كل الشكر

الشـوق يجيني واجـــيه لعيونك
واخاطر بنفسي عشان خاطرك
وكذب شوف عيني وتصدق اظنونك
وعشانك اكذب شوفي وانت الكذب حاصرك
كم قلت لك عذالنا لا يــغرونـــــك
ولعذالنا رحت اشـــــوفك وخــــابرك
كنك تقول بمجاهره والله لاخونك
واستغبي واقول سبحان فـــــاطرك
واحسسك انك ذكي واهيض شجونك
وانا اشوف الكذب في ساس ناظرك
والكذب واضح ماتغطي عليه افنونك
الفن كـــــذبك وعــــذرك مجاهـــرك
لكن انت اسير الهم وهم يشوفونك
واسير الصمت انا مادام القلب ذاكرك
لا والذي ســـواك مادام يبغـــونك
باعز نفسي عنك وماني بشـــــاكرك
اشكرك لـــيه وشلون وع ــيونك
تنظر غدر كنك برئ والحب غــــادرك
واللي يشتت فيك لاتظن بيصونك
عمر الذي خـــانك جاك شــــــــاورك
ماقول غير كان الله في عونـــك
قلبك حزين وضايقات(ن) خواطــــرك
قال المثل من خان لجلك يخونك
وكل مااقولك ليه تقول الوقت جــابرك
الوقت جـــــابك وهم بيـــــجونك
وبجيب كل اللي في ذا الوقت عابرك
واذا على حبك والله لاهـــونك
واغفي بنومي وعيــنك تســامــــرك
وروح دور واحد(ن) مثلي يصونك
ويصبر على همك ويصبر على مأمرك
واذا بغيت تفضفض خلهم يسمعونك
واذا لقيت احد(ن) بعين الحب ناظــرك
مسكين يامسكين ترا مايعدونك
وترا احقر حقير يرفع الصوت يزقــــرك
وختامها مسك وابيات(ن) يطربونك
ولا لي امر ولا اتشرف اني أمــــــرك