قصه الرووح تغليك في المخيم

السلام عليكم
اليوم راح اكتب لكم قصتي يوم رحت المخيم


مره من المرات جا ابوي وقال لنا ترا بنطلع مخيم
وانا من سمعت مخيم وانا افرح من زمااااااااان ماطلعنا جمعه مع اعمامي
ونجهز الاغراض من المغرب يوم الثلاثاء
وحنا بروح للمخيم الاربعاء الصباح
والله اني ما نمت الا الفجر من الفرحه الزايده
وتجي امي وتقومنا الساعه 7
وانط من السرير واحط الاغراض في السياره على بال ما حسنا في
البيت طلعنا الساعه 8وركبنا السياره وكنت توني متغطيه >>صرت كبيره
وكان المخيم بعيد عند المطار ويوم وصلنانص الطريق
قالت امي تبين ما تتغطين ترا عادي ويوم سمعتها
قالت كذا وافك الطرحه واحطها على اكتافي >>ما صدقت امها تقولها كذا


وصلنا بعد عناء طويل للمخيمالساعه 9 وكان مافيه الا عمي الكبير وعائلته الكريمه
واول ماحطيت رجلي في المخيم واقول لبوي يستاجر لي دباب >> بركب الدباب في عز الشمس
وتعالو شوفو وجهي احترق والعب بالدباب انا وبنت عمي
لين يجون الباقييييييييين
وعقب ما لعبت وصكتني الشمس امي قالت لي
روحي نامي لك ساعه قلتها لها طيب >>راعيه سهرات وسمرات
كانت الساعه 1 وقمت الساعه 2وكنت طالعه من الخيمه بغسل وجهي
الا واشوووف بنت عمي راكبه المراجيح ومتحمسه
ومن الحماس الزايد طاحت وقعدت اضحك عليها لان شكلها تحفه
وجا وقت الغدا وتغد ينا طايرين كان احد لاحقنا
لان العيال اركبو الدبابات واحنا لا ونخلص وكل وحده تقوول لبوها يجيب لها دباااااااب
ونركب وخصوصا عندنا طعس في جهه الحريم والعياااال يجوون عندنا وشووووووووف
اشكالنا اللي داعسه وخر عن طريقها واللي كل شوي صاقعه في شجرره ولا جداااااااااار
واللي ينقلب بها الدباب وانواع الضحك

وهذي سالفتي في المخيم
اتمنى تنال اعجابكم
الرووووح تغليك