احبك موت رددها

أنا راحل عن عيونك وأبيك بكلمتين أصغار
إلى من ضاقت أحوالك تذكرني ورددهـــــــــا


احبك موت بقلبك تنبت الأزهار
احبك موت معناها حياتي فيك مــــــــــــولدها


تذكرها وتلقاني بقلبك كلما تحتار
تلاقيني مع أطيافي بـروح كنت تجـــــــــــهدها


سفري يابعد عمري طويل وسكته مشوار
تركت القلب بيـد ينك روحي معك بفقدهــــــــــــا


لك الذكرى تناديني ويحرقني لهيب النار
ولكن خطوتي ترفض رجوعي لو أعاندهــــــــــــا


أنا مكسور في نفسي وخليت الجروح أسرار
اباخذها مع أغراضي وبرحل قبل تشــــــــــــهدها


صحيح آن الحزن قاسي و لكن ما تفيد أعذار
كبرنا عن طفولتنا ووقت كان يســــــــــــــــعدها


خلاص اليوم ودعنا زمان وباقي التذكار
تسلينا بوحدتنا ونسلي في مشــــــــــــــــــاهدها


دخيلك لبكت عينك وهلت دمعها مدرار
ترى روحي مناديلك تكفكف دمــــــــــــع يوقدها

بقلمي /خالد الخالدي ..،،
تقبلوا خالص تحياتي ..,,
لا اسمح بنقل القصيدة دون ذكــــــــــــــرالمصدر ..@@