يا مالك الحس..

السلام عليكم ورحمة الله وبركاته

اسعد الله اوقاتكم بكل خير

قصيده متواضعه من قلب لقلب اتمنى ان ترتقي لذائقتكم





الحب كلمه ابد ماهي توفي في حياتـي طمـوح
قد قالها الناس من قبلي وانا للزيـن قـد قلتهـا
يا مالك الحس حسي قام يبني لجل عينك صروح
واحلى المعاني انا لرضاك بيـن النـاس مولتهـا
البعد عنك يورث يا حبيبـي للامانـي جـروح
واحلى جروح المفارق منك يا خلـي توصلتهـا
لا يمكن اني بحبك لاي مخلـوق اتجـرا وابـوح
من شان ذكراك في جوف الجسد بالعشق فصلتها
القلب يهذي بطاريك وانا كنت احسب انه مزوح
الين حبك دخل بيـن العـروق اللـي تحللتهـا
انام والقاك في نومي والامس ذكرياتـي وانـوح
ارجوك ترفق بحالي يا حسيـن الوجـه طولتهـا
حرف الهجا من جمالك قام يكتب للخلايق شروح
مابه من الخلق قوم يا اريـش العينيـن مااذلتهـا
وصلك غدى في معاليق الغرام بجوف قلبي طموح
ليته تحقق طموحـي والمعانـي فيـك بهذلتهـا


تحياتي